|
|
|
|
 |
|
 |
 |
|
1. ຢາກະຕຸ້ນ ແອມແຟຕາມີນ: ຢາບ້າ ແລະ ຢາມ້າຮູບແບບຂອງມັນ: ເປັນຜົງ ມັກມີໃນຮູບແບບເປັນກ້ອນ ຫລື ເມັດ ຫລື ແບບ ແຄບຊູນ. ວິທີການໃຊ້ມັນ: ສ່ວນຫລາຍແລ້ວ ຈະແມ່ນ " ໄລ່ພະຍານາກ " (ຊຶ່ງແມ່ນເອົາກໍ້ໃຊ້ເຈັ້ຍອາລູມີນຽມ ແລ້ວຈູດດູດຄືຢາ). ຫລື ວ່າກິນກັບນ້ຳ, ເບຍ ຫລືເຫລົ້າອື່ນ, ຫລືສັກໃສ່ເສັ້ນເລືອດ. ຜົນຂອງມັນ: o ເຮັດໃຫ້ຮູ້ສຶກກຽມພ້ອມ ແລະ ເຂົ້າກັບສະພາບແວດລ້ອມ ແລະ ຄົນອື່ນ. o ສຽງ ສີ ແລະ ອາລົມເບິ່ງຄືຮຸນແຮງກວ່າເກົ່າ o ມີພະລັງຊຶ່ງຫມາຍຄວາມວ່າເຮັດໃຫ້ເຕັ້ນລຳຫລືເຮັດອື່ນໆໄດ້ດົນ o ຖ້າກິນກັບນ້ຳດື່ມຫລືນ້ຳອື່ນໆ, ຜົນຈະເກີດຊ້າກວ່າ ແຕ່ຢູ່ຍາວ ລະຫວ່າງ 3 ຫາ 6 ຊົ່ວໂມງ. o ຖ້າສືບດົມເຂົ້າໄປ ຫລື ສັກ ມັນຈະໄປຮອດສະຫມອງໂລດ, ເຣັ້ດໃຫ້ມີພະລັງເປັນວູບ ແລະ ຕິດຕາມດ້ວຍການຊືມເສົ້າ. ການສ່ຽງ: o ໃນຄະນະທີ່ຢາບ້າກຳລັງເຮັດວຽກ, ເຈົ້າອາດຈະຮູ້ສຶກຄືຄາງກະໄຕຫົດເຂົ້າ, ປວດຮາກ, ເຫື່ອອອກ ແລະ ຫົວໃຈເຕັ້ນ ແຮງຂຶ້ນ o ຢາບ້າມີຜົນກະທົບຕໍ່ລະບົບຮັກສາອຸນຫະພູມຂອງຄົນ. ຖ້າເຕັ້ນລຳດົນໂດຍບໍ່ມີການດື່ມນ້ຳ ອຸນຫະພູມໃນຮ່າງກາຍຈະສູງ ຂຶ້ນ ແລະ ເຮັດໃຫ້ຮ່າງກາຍຂາດນ້ຳ. ອັນນີ້ແມ່ນເຖິງຕາຍໄດ້. ສະນັ້ນຕ້ອງກິນນ້ຳດື່ມ ຫລື ນ້ຳຫວານທຸກໆຊົ່ວໂມງຖ້າກິນຢາ ບ້າແລ້ວຍັງເຕັ້ນ ລຳຢູ່. o ເວລາທີ່ " ລົງມາ " ເຈົ້າຈະຮູ້ສຶກເມື່ອຍ ແລະ ມີອາການຊືມເສົ້າຫລາຍມື້ຕໍ່ກັນ. o ຄວາມດັນເລືອດອາດສູງຂຶ້ນກະທັນຫັນກໍ່ໄດ້ o ເຈົ້າອາດທຳລາຍຕັບ ແລະ ຫມາກໄຂ່ຫລັງຕົນເອງໄດ້ o ບາງຄົນກໍຕາຍຍ້ອນການໃຊ້ຢາບ້າ o ບາງຄົນກໍມີບັນຫາສະຫມອງ ໂລກຈິດຍ້ອນການໃຊ້ຢາບ້າ. ນິໂກທີນ: ຢາກອກ ແລະ ຢາເສັ້ນ ຮູບແບບຂອງມັນ: ເປັນເສັ້ນ ຫລື ເປັນກອກ ວິທີການໃຊ້ມັນ: ສູບ! ຜົນຂອງມັນ: o ກະຕຸ້ນປະສາດສູນກາງ ເຮັດໃຫ້ຮູ້ສຶກກຽມພ້ອມຕື່ນຂຶ້ນກວ່າເກົ່າ o ເຮັດໃຫ້ຫົວໃຈເຕັ້ນໄວຂຶ້ນ ແລະ ຄວາມດັນເລືອດສູງຂຶ້ນ o ຖ້າໃຊ້ເທື່ອທຳອິດ ອາດເຮັດໃຫ້ປວດຮາກໄດ້ ການສ່ຽງ: o ມັນເປັນການງ່າຍທີ່ຈະຕິດມັນ. o ສູບຢານີ້ແມ່ນແພງຫລາຍ (ເປືອງເງິນ) o ໃນຢາສູບຈະມີສານເຄມີ ກວ່າ 4000 ຢ່າງ, ແລະ ສ່ວນໃຫຍ່ແລ້ວສານພວກນັ້ນແມ່ນເປັນໄພຕໍ່ສຸຂະພາບ o ຄົນສູບຢາມັກຈະເປັນໄອ ແລະ ມີບັນຫາປອດຫລາຍກວ່າຫມູ່. o ມີບັນຫາໄລຍະຍາວເຊັ່ນ ມະເຮງ ແລະ ພະຍາດຫົວໃຈ o ເຮັດໃຫ້ຄວາມດັນເລືອດສູງ. o ເຮັດໃຫ້ເສັ້ນເລືອດຕີບຕັນ: ຜິວຫນັງຫ່ຽວຍົ່ນໄວ o ມັກຕາຍໄວ ຄາຟີນ: ກາເຟ ແລະ ຊາ ຮູບແບບຂອງມັນ: ກາເຟ ແລະ ຊາ! ວິທີການໃຊ້: ເປັນເຄື່ອງດື່ມ! ຜົນຂອງມັນ: o ເຮັດໃຫ້ຮູ້ສຶກຕາແຈ້ງຂຶ້ນ ບໍ່ເຫງົານອນ o ເຮັດວຽກໄດ້ດົນກວ່າ ການສ່ຽງ: o ຖ້າກິນເກີນເຫດ ອາດເຮັດໃຫ້ທຸລົນທຸລາຍ, ຫງຸດຫງິດ, ນອນບໍ່ຫລັບ, ກັງວົນ, ແລະບໍ່ຫິວເຂົ້າ 2. ຢາທີ່ເຮັດໃຫ້ເພີ້ຝັນ: ຕົ້ນຊາ: ຊາໃບ, ຊາຜົງ: ຮູບແບບຂອງມັນ: ເປັນແບບຜົງແຫ້ງ ຫລັງຈາກທີ່ກັ່ນມາແລ້ວ ຫລື ເປັນ ໃບຊາທີ່ຕາກແຫ້ງແລ້ວ ທີ່ມາຈາກຕົ້ນຊາ. ວິທີໃຊ້ມັນ: ທັງສອງຢ່າງແມ່ນເອົາມາກໍ້ໃສ່ກັບຢາເສັ້ນ ແລະ ສູບກໍໄດ້ ຫລື ຈະສູບແຕ່ມັນລ້າໆກໍ່ໄດ້ບາງຄົນແມ່ນເອົາມາ ໃສ່ໃນອາຫານ. ຜົນກະທົບແມ່ນຍາວກວ່າ ແລະ ຍາກທີ່ຈະຄວບຄຸມໄດ້. ຜົນຂອງມັນ: o ຄົນສ່ວນໃຫຍ່ແມ່ນຈະຮູ້ສຶກແບບຜ່ອນຄາຍອາລົມ ແລະ ເວົ້າຫລາຍ o ມັນເຣັດໃຫ້ປະສາດຕ່າງໆມີຄວາມຮູ້ສຶກໄວ ໂດຍສະເພາະທີ່ກ່ຽວກັບສີ, ລົດຊາດ ແລະ ເພງ o ມັນເຮັດໃຫ້ຄິດຢາກ ອາຫານບາງແນວ o ເວລາຫມົດລິດຈະເຮັດໃຫ້ຮູ້ສຶກເມື່ອຍ ແລະ ອ່ອນເພຽ ການສ່ຽງ: o ມີບັນຫາໃນຄວາມຈຳໄລຍະສັ້ນ ແລະ ເຮັດໃຫ້ການສັງລວມຈິດນັ້ນຍາກ o ການປະສານງານຕ່າງໆຂອງຮ່າງກາຍກໍຈະບໍ່ເຕັມເມັດເຕັມຫນວ່ຍ ຖ້າວ່າຂັບລົດ ຈະເຮັດໃຫ້ມີອຸບັດຕິເຫດ o ບາງຄົນຈະຮູ້ສຶກວ່າມີຄວາມກັງວົນຫລາຍ ຫລື ເຮັດໃຫ້ລະແວງ. o ຫລັງຈາກຕິດແລ້ວເຮັດໃຫ້ເຊົາຍາກ ບໍ່ຢາກຢຸດໃຊ້ມັນ 3. ຢາລະງັບ: ເຫລົ້າ: ເບຍ, ວິສກີ້, ເຫລົ້າຂາວ, ເຫລົ້າແວງ, ເຫລົ້າຊະນິດແຮງ: ຮູບແບບຂອງມັນ: ເຄື່ອງດື່ມ! ວິທີໃຊ້ມັນ: ເປັນເຄື່ອງດື່ມ! ຜົນຂອງມັນ: o ຫລາຍຄົນກໍມັກດື່ມເຫລົ້າ. ກິນຈຳນວນຫນ້ອຍມັນຈະຊ່ວຍໃຫ້ຮູສຶກຄາຍຄຽດ ແລະ ມີການສັງສັນ. o ບາງຄົນໃຊ້ເຫລົ້າເປັນສິ່ງທີ່ຊ່ວຍໃຫ້ຫນີຈາກບັນຫາ o ຜົນກະທົບຂອງມັນແມ່ນຂຶ້ນກັບຄວາມຮຸນແຮງຂອງເຫລົ້າ ແລະ ຄວາມໄວຂອງການດື່ມ o ຜົນກະທົບກໍຂຶ້ນກັບວ່າທ້ອງວ່າງຫລືບໍ່, ນ້ຳຫນັກຕົວເທົ່າໃດ, ອາລົມໃນຄະນະທີ່ດື່ມ ແລະ ສິ່ງແວດລ້ອມອ້ອມຂ້າງ. o ຄຳເວົ້າອາດຈະບໍ່ຊັດເຈນ, ການປະສານງານຂອງຮ່າງກາຍກໍບໍ່ຄົບຖ້ວນ, ອາລົມກໍຈະເພີ້ມຂຶ້ນ o ຫລັງຈາກທີ່ຫມົດລິດເຫລົ້າແລ້ວ ກໍຈະເຈັບຫົວຫນັກໄດ້, ຮາກ, ແລະ ຮູ້ສຶກເມື່ອຍຫລອ່ຍ. ການສ່ຽງ: o ເຫລົ້າແມ່ນຢາລະງັບ. ມັນຈະເຮັດໃຫ້ຮູ້ສຶກລົງຕ່ຳ ( ໂສກເສົ້າເຫງົາຫງອຍ ) o ຜູ້ຍິງມັກຈະເມົາໄວກວ່າຜູ້ຊາຍເຖິງແມ້ວ່າຈະກິນຈຳນວນສ່ຳກັນ ແລະ ຜູ້ຍິງສ່ວນໃຫຍ່ມັກມີບັນຫາທີ່ກ່ຽວຂ້ອງກັບການດື່ມ ເຫລົ້າໄວກວ່າຜູ້ຊາຍ o ຖ້າ ກິນເກີນຂອບເຂດ ອາດເຮັດໃຫ້ຫມົດສະຕິໄດ້ ຫລັງຈາກນັ້ນມັກຈະຮາກ ແລະ ຮາກໄຫລເຂົ້າໄປໃນປອດເຮັດໃຫ້ຕາຍ ໄດ້. o ການກິນເກີນຂອບເຂດ ກໍເຮັ້ດໃຫ້ເກີດມີອາການເຫລົ້າເປັນພິດ ຊຶ່ງອາດເຖິງຕາຍໄດ້ຄືກັນ. o ຖ້າໃຊ້ໃນໄລຍະຍາວ ຈະເຮັດໃຫ້ມີບັນຫາຕັບທີ່ຮ້າຍແຮງ, ບັນຫາພະຍາດຫົວໃຈ ແລະ ກະເພາະ. o ການຕາຍທີ່ເຫັນເລື້ອຍໆມັກກ່ຽວຂ້ອງກັບການດື່ມເຫລົ້າ. ການປະສົມເຫລົ້າກັບຢາອື່ນໆນັ້ນຍິ່ງເປັນອັນຕະລາຍຍິ່ງຂຶ້ນ. ຢາລະງັບປະສາດ ແລະ ແກ້ຊັກ: ຢານອນຫລັບ, ວາລຽມ, ກາດີນານl, ເທມາຊີພາມ ຮູບແບບຂອງມັນ: ເປັນຢາເມັດ ຫລື ແຄບຊູນ ບາງເທື່ອກໍເປັນນ້ຳ. ວິທີໃຊ້ມັນ: ຄົນຈະໃຊ້ຢາພວກນີ້ເວລາເຂົາເຈົ້າມີອາການຊືມເສົ້າ, ກັງວົນ, ແລະ ນອນບໍ່ຫລັບ. ບາງຄົນຈະໃຊ້ມັນຜິດເພື່ອໃຫ້ ມີຜົນກົງກັນຂ້າມກັບຢາກະຕຸ້ນ ຫລື ບໍ່ດັ່ງນັ້ນກໍກິນຫລາຍແນວພ້ອມກັນ ເພື່ອແທນ ເຫລົ້າ ຫລື ຢາເຮໂລອິນ. ຜົນຂອງມັນ: o ຢາລະງັບປະສາດແມ່ນເຮັດໃຫ້ສະຫງົບລົງ ແລະ ເຮັດໃຫ້ລະບົບປະສາດຊ້າລົງ o ມັນຊ່ວຍໃຫ້ຫລຸດຜ່ອນຄວາມຕຶງຄຽດ ແລະ ຄວາມກັງວົນ o ຖ້າໃຊ້ປະລິມານສູງຈະເຮັດໃຫ້ເຫງົານອນ ແລະ ລືມຫນ້າລືມຫລັງ ການສ່ຽງ: o ຢາລະງັບປະສາດເຮັດໃຫ້ມີການໂຕ້ຕອບຊ້າລົງ ເຮັດໃຫ້ມີການສ່ຽງສູງທີ່ຈະມີ ເກີດອຸບັດຕິເຫດຫລາຍຂຶ້ນ. o ມັນຈະປັນອັນຕະລາຍທີ່ສຸດຖ້າໃຊ້ປົນກັບເຫລົ້າ. o ຈະຕິດ ຫລືມີຄວາມຕ້ອງການມັນໄດ້ ແລະ ຈະຕ້ອງການເພີ້ມປະລິມານສູງຂຶ້ນເລື້ອຍໆ. o ບາງຄົນກໍເກີດມີອາການ ຕື່ນຕົກໃຈແຮງເວລາທີ່ພະຍາຍາມຢຸດໃຊ້ມັນ o ຖ້າເອົາມາບົດແລ້ວສັກເຂົ້າໄປໃນເສັ້ນແມ່ນເປັນອັນຕະລາຍທີ່ສຸດ ອາດເຖິງຕາຍໄດ້. 4. ຢາລະລາຍ: ແກສ, ກາວ ແລະ ແນວສີດ: ຮູບແບບຂອງມັນ: ອາດພົບໄດ້ໃນ: -ກະປ໋ອງ ຫລື ຫລອດກາວ - ທິນເນີ້ ສຳລັບລ້າງສີ - ນ້ຳລຶບ -ແນວສີດ ສະເປຜົມ, ສີດກັນຂີ້ເຕົ່າ ແລະແນວສີດໃຫ້ຫ້ອງຫອມ - ນ້ຳມັນແອດຊັງ -ຂວດນ້ຳມັນເຊື້ອເພີງຕ່າງໆ. ວິທີໃຊ້ມັນ: ສືບເຂົ້າ ຫລື ຫາຍໃຈເຂົ້າປອດ. ຜົນຂອງມັນ: o ຮູ້ສຶກວ່າຫນັກຫົວ, ວິນ, ຫົວສະອິກສະອ້ອຍ ແລະ ຝັນຫວານ o ບາງເທື່ອກໍຈະຝັນເພີ້ (ເຫັນ ຫລືໄດ້ຍິນສິ່ງທີ່ບໍ່ມີຢູ່ຫັ້ນ) o ຜົນຂອງມັນຈະຫາຍໄປຫລັງຈາກ 15- 45 ນາທີ o ຫລັງຈາກນັ້ນຈະຮູ້ສຶກເຫງົານອນ ແລະ ອາດເຈັບຫົວກໍໄດ້ ການສ່ຽງ: o ການໃຊ້ແກສ, ກາວ ຫລື ແນວສີດ ອາດເຮັດໃຫ້ຕາຍບາດດຽວໄດ້ເລີຍ - ແມ້ແຕ່ເທື່ອທຳອິດທີ່ໃຊ້. o ໂດຍການທີ່ສີດສານແນວໃດແນວນຶ່ງເຂົ້າໄປໃນປອດ ຈະເຮັດໃຫ້ປອດຜະຫລິດນ້ຳເມືອກຊະນິດນຶ່ງອອກມາຊຶ່ງເຮັດໃຫ້ ຕາຍໄດ້. o ອາດຈະຮາກ, ຫນ້າມືດເປັນລົມ ແລະ ຮູ້ສຶກແບບປ່ວຍຫນັກ o ອາດເກີດອຸບັດຕິເຫດ ເພາະປະສາດຕ່າງໆຖືກກະທົບ o ມີການສ່ຽງໃນການຂາດອາກາດຖ້າໃຊ້ຖົງຢາງປລາສຕິກເພື່ອສູບເອົາ o ຖ້າໃຊ້ຢາລະລາຍໃນໄລຍະຍາວ ຈະມີການທຳລາຍສະຫມອງ, ຕັບ ແລະ ຫມາກໄຂ່ຫລັງ 5. ຢາມືນເມົາ ຫລື ເສບຕິດ. ຝິ່ນ, ເຮໂລອິນ: ຮູບແບບຂອງມັນ: ຝິ່ນແມ່ນເປັນກ້ອນຫນຽວ ແລະ ເຮໂລອິນຈະເປັນຜົງສີຂາວຖ້າບໍລິສຸດເຮໂລອິນທີ່ມີຂາຍຕາມຫົນທາງ ຈະເປັນສີຂາວນ້ຳຕານ. ວິທີໃຊ້ມັນ: ຝິ່ນແມ່ນສູບມັນ. ເຮໂລອິນ ແມ່ນສູດເຂົ້າທາງດັງກໍໄດ້ ຫລື ສູບມັນ ຫລື ສັກມັນກໍໄດ້. ຜົນຂອງມັນ: o ເວລາສູບຝິ່ນມັນຈະຂຶ້ນໄປຫາສະຫມອງໄວທີ່ສຸດ ຫລັງຈາກນັ້ນຈະເຮັດໃຫ້ຫລັບຈົມໆ ຫລາຍຊົ່ວໂມງໃນກໍລະນີນີ້ແມ່ນການ ຫລັບທີ່ເອີ້ນວ່າ " ຄວາມສຸກອັນປະເສີດ ". o ເຮໂລອິນ ແມ່ນແຮງກວ່າຝິ່ນສິບເທົ່າໃນປະລິມານຫນ້ອຍໆ ຈະເຮັດໃຫ້ຮູ້ສຶກດີ ແລະ ອົບອຸ່ນ o ຖ້າປະລິມານສູງຂຶ້ນຈະເຮັດໃຫ້ຮູ້ສຶກເຫງົານອນ/ງ່ວງ ແລະຫລັງຈາກນັ້ນຄາຍຄວາມຄຽດ o ຖ້າປະລິມານເກີນຂອບເຂດກໍຈະເຮັດໃຫ້ຫມົດສະຕິ ເຂົ້າໂຄມາ ຫລືຕາຍໄດ້ o ເວລາໃຊ້ເທື່ອທຳອິດຈະເຮັດໃຫ້ວິນ ແລະປວດຮາກ ການສ່ຽງ: o ເຮໂລອິນ ແມ່ນຕິດໄດ້ງ່າຍ. ບາງເທື່ອການລໍຖ້າ " ເທື່ອຫນ້າທີ່ຈະໃຊ້ມັນ " ແມ່ນຈະຄອບງຳຊີວິດໄດ້. o ຮ່າງກາຍຈະເລີ້ມຊິນກັບມັນ ແລະຈະຕ້ອງການປະລິມານເພີ້ມຂຶ້ນເລື້ອຍໆ ເພື່ອໃຫ້ໄດ້ຜົນຄືເກົ່າ. o ສະນັ້ນຄົນທີ່ໃຊ້ ເຮໂລອິນ ສ່ວນໃຫຍ່ແລ້ວມັກຈະໃຊ້ການສັກເພື່ອໃຫ້ໄດ້ຜົນໄວ. o ການທີ່ໃຊ້ເຂັມສັກຢາ ຫລື ຫລອດສັກຢາຮ່ວມກັນນັ້ນ ຈະເຮັ້ດໃຫ້ມີໂອກາດຕິດເຊື້ອ HIV/AIDS ໄດ້ງ່າຍ o ການທີ່ຈະເຊົາ ຫລືອອກຢາ ເຮໂລອິນ ນີ້ເປັນສິ່ງທີ່ຍາກທີ່ສຸດ ແລະຈະເປັນປະສົບການທີ່ສະຫຍອງຂັວນ o ຫລາຍຄົນກໍອອກໄດ້ ແຕ່ຈະເວລາເປັນປີກວ່າຈະເປັນອິດສະລະຈາກມັນໄດ້ ຂໍ້ມູນ - 2006-08-24 |
| ສະໜັບສະໜູນໂດຍ: ບັນດາເພື່ອນຮ່ວມງານ ໃນຂະແໜງນ້ຳ ແລະ ສຸຂະອະນາໄມ. © 2006-2007 ສະຫງວນລິຂະສິດໂດຍ: ສ.ອ.ນ, ສປປລາວ. ອອກແບບ, ພັດທະນາ ແລະ ບຳລຸງຮັກສາໂດຍ: Cyberia - ວຽງຈັນ, ສປປລາວ. |
